Abaday naninguha matukod ang hospital waste facility

Malaumon si Konsehal Roger Abaday, chairman sa komite sa environment, nga makabaton ang dakbayan sa kaugalingon nga hospital waste facility aron masiguro nga malabay sa insakto ang waste materials gikan sa mga hospital, tambalanan, ug ang mga diagnostic center sa syudad.

Kini human gikonpirma ni Ms. Elvisa Mabelin, Acting Department Head sa City Local Environment and Natural Resources (CLENRO), atol sa tigom sa komite nga hayan matibawas ning tuiga ug mahimo nang maka-operate ang gitukod nga medical waste material facility diha sa Barangay Pagalungan.

Sumala ni Abaday nga mahimong tinubdan sa dugang kinitaan sa syudad kun magsugod na pag-operate ang maong facilidad kay mobayad man ang mga pribadong hospital ug mga diagnostic center nga molabay sa ilang mga waste materials ug sayon ra usab kining ma-monitor kon gatuman ba usab sila sa pag-sumite sa ilang monitoring report ngadto sa hintungdan ahensya sa goberno.

Nunot niini, gitinguha ni Konsehal Roger Abaday nga mapatuman kini sa hingpit tungod ug alang sa kapasigurohan sa kinaiyahan ug kaayuhan sa dakbayan. (MLR/SP)