Abaday nag-sugyot tun-an ang implementasyon sa No Right Turn On Red Light

Daghan ang nadawat nga reklamo sa mga motorista kabahin sa implementasyon sa no right turn in red light sa pipila ka mga intersection sa syudad.


Kini ang unod sa special report ni Konsehal Roger Abaday chairman sa komite sa senior citizen atol sa sesyon ni-adtong lunes nga gidumala ni Bise Mayor Kikang Uy.


Sumala ni Abaday nga gikwestion niya kun unsa ang gibasehan sa Roads and Traffic Administration RTA sa pagpatuman sa “No right turn” nga wala man kini sa ordinansa sa syudad, hinoon ang angayan himoon sa personahe sa RTA mao ang pag-assister sa mga motorista nga mapaga-an ang dagan sa trapik didto sa mga free right turn nga dapit.


Dugang pa sa konsehal nga dili nato iparehas sa mga advance nga nasud ang pag-implementar sa traffic kay kulang ug dili pa kaayo maayo ang atong mga infrastructura sa syudad.


Nunot niini gisugyot ni konsehal Abaday nga iduso una kini nga mulo sa mga motorista ngadto komite sa Road Traffic Management ubos ni Konsehal Romeo Calizo alang sa dugang mga pagtu-on.