Abaday mitambong sa tigom sa Regional Peace and Order Council-10

GIKALIPAY ni Konsehal Roger Abaday, chairman sa komite sa public order and safety, ang taho sa kapolisan nga mikunhod ang krimen ug walay kabalak-an nga hulga gikan sa mga walhong grupo sa kinatibok-ang Rehiyon-10.

Kini ang iyang gipahibalo atol sa iyang pagtambong sa tigom sa Regional Peace and Order Council-10 nga gilangkoban sa nagkadaiyang ahensya sa nasodnong buhatan.

Sumala ni Abaday nga walay kabalak-an ang kahimtang sa seguridad sa syudad ug sa kinatibuk-ang Rehiyon-10 tungod sa hugot nga pagpatuman sa mga programa sa goberno.

Atol sa maong tigom, gisugyot sa konsehal nga ipatuman ug ipadayon ang pakig-koordinar sa mga force multipliers ug sa mga civic organization kay dako kini og ikatabang ug makaabag sa pagpatunhay sa kahusay ug kalinaw  sa rehiyon.

Nunot niini, malaumon si Konsehal Roger Abaday nga magpadayon ang mga programa nga gihanyag sa goberno labi na sa mga hilit nga barangay sa rehiyon-10. (MLR/SP)