Abaday misuporta sa pagpahigayonsa community pantries

GISUGYOT ni konsehal Roger Abaday, chairman sa komite sa senior citizens, ngadto sa mga tigpasiugna og community pantry nga makig-coordinate sa lokal nga kagamhanan ug ubang ahensya sa gobyerno dinha sa pagpasiugda sa kalihukan.


Kini ang unod sa iyang special report atol sa sesyon sa konseho niadtong Lunes nga gidumala ni bise mayor Kikang Uy.


Matod ni Abaday nga maayo ang katuyuan sa kalihokan ilabina ning panahon sa krisis apan kinahanglan lang nga seguraduon ang pagsunod sa gisitar nga minimum health protocols.

Daghan ang nagpadayag og suporta sa maong kalihokan ug angayan usab nga suportahan sa gobyerno, dugang sa konsehal.


Angayang paningkamotan sa mga tigpasiugda nga dinha sa pagtunol sa ayuda, masunod gayud ang physical distancing, saktong pagsuot sa face mask ug mag-face shield gayud ang mga benepisaryo.