AB sa Tuburan, giuyonan sa konseho

HINGPIT nang mapatuman sa Barangay Tuburan ning dakbayan ang ilang mga programa ug proyekto karong tuig 2026.

Kini human ang konseho sa sesyon niadtong Lunes nga gidumala ni Konsehal Edgar  Cabanlas isip presiding officer, nisagop og resolusyon nga nagdeklara sa  resolusyon  sa barangay nga may kalabotan sa ilang 2026 Annual Budget  nga mokabat sa P5,181,141 nga mahimo nang ipatuman sa  labing dali nga panahon.

Tipik sa gipundohan sa maong budget ang pagrehabilitar sa ilang water system, pag-instalar og  suga sa kadalanan, pagkompleto sa material recovery facility, pagrehabilitar  sa health center, pagrehabilitar sa multi-purpose hall, paghinlo sa mga kanal ug uban pa nga gilantawng maghatag dugang kalamboan sa ilang dapit.

Ang resolusyon nga gisagop sa konseho alang sa maong katuyoan gipaluyohan sa komite sa barangay affairs ni Konsehal Marlo Tabac ug  komite sa palamalaod ug reglamento ubos ni Konsehal Edgar Cabanlas. (JRG/SP)