top of page

25 ka poste sa suga, gihangyo sa Barangay Baikingon

GITAKDANG tukion sa komite sa Energy ubos ni Konsehal Teodulfo Lao, Jr. karong Huwebes, Enero 20 ning tuig ang sulat sa konseho sa Barangay Baikingon nga naghangyo sa buhatan sa MORESCO-1 alang sa pag-instalar og 25 ka poste sa suga sa ilang kadalanan.

Si Konsehal Lao malaumon nga makonsidera ug daling maaksyonan ang gihangyo sa barangay labina nga mahinungdanon kaayo alang sa usa ka barangay nga adunay igong sugang dagitab sa kadalanan tungod dako kini’g kontribusyon sa kampanya sa kahusay ug kalinaw sa dapit.

Gipaabot motambong aron mohatag sa ilang panahom sila si Engr. Jenito Asequia, OIC City Engineer, Engr. Jovel Ubay-Ubay, General Manager, MORESCO-1, Engr. Armen Cuenca, CLENRO Officer, Elvisa Mabilen, CLENRO Assistant Department Head ug Kapitan Nathan Yañez sa Barangay Baikingon karong umaabot Enero 20, 2022, Hwebes, alas 10 sa buntag diha sa hawanan sa konseho, ning syudad.


Comments


bottom of page