Hangyo sa taga-San Agustin Valley Homes Subd tun-an sa kom sa Public U

Konsiderahon sa komite sa public utilities ni konsehal Teodulfo Lao Jr. ang sulat hangyo sa mga residente sa San Agustin Valley Homes subdivision sa barangay Canitoan.

Ang mga residente sa dapit mihangyo nga kun mahimo mahatagan sila og dugang unit sa sakyanang pampasahero nga nagbyahian gikan sa subdivision paingon sa SM City Uptown ug vice versa.

Sa sulat sa presidente sa kapunungan, gipasabot nga kulang ug dili sarang ang mga sakyanan nga kasmatangang nagbyahe sa maong ruta hinungdan nga adunay mga tinun-an ug trabahante ang malangan sa ilang pagtungha ug pagtrabaho.

Niini, si Lao nagdapit nga motambong sa ipahigayon tigom aron makapaambit sa ilang panahom ug opinion sila si Dir. Aminoden Guro sa Land Transportation, Franchising Regulatory Board (LTFRB-10); Col. Mario Verner Monsanto (ret) RTA Overseer; Teodoro Sabugaa, acting city administrator ug Atty. Reymond Villablanca, assistant city legal officer. (El Kapitan)