VM Uy miaksyon sa hangyo sa taga-Zone 12, Carmen

Nagpadayon ang konseho sa syudad ubos ni bise mayor Kikang Uy pag-atiman sa mga mulo nga gipaabot sa katawhan.

Lakip niini mao ang hangyo sa mga opisyal ug sakop sa Bohol Heights Homeowners Association sa Zone 12 Zayas Landfill, Barangay Carmen nga matabangan sa ilang problema kalabot sa lote nga kasamtangan nilang giokopahan.

Matod pa, nga ipapahawa na sila ug pabakantehan na ang mga luna nga kasamtangang giugbukan sa ilang panimalay.

Ilang gibutyag nga usa ka Nicanor Lacar ang ilang nahimamat ug naistorya sa gipahigayong panagtigom diha mismo sa Session Hall sa konseho ug miingon nga nagsige kinig panghasol kanila nga bakantehan na ang dapit hinungdan sila mihangyo sa bise mayor nga unta matabangan sa maong problema ug mahatagan sa igong pagtagad sa labing dali nga panahon.

Niini, giduso ni bise mayor Uy ang maong hangyo ngadto sa komite sa urban poor ni konsehal Zaldy Ocon alang dugang pagtuon ug rekomendasyon. (Yonggals)