P1.27M gigagin agig bayad sa loteng naigo sa proyekto

Kapin sa P1.27 milyones ang gigahin sa konseho sa syudad ubos ni bise mayor Kikang Uy aron magamit nga bayad sa loteng naigo sa gipatumang proyekto sa imprastraktura.

Sa sesyon kagahapon, gipalabang ang ordinansa nga naggahin sa maong kantidad gikan sa item “Continuing Appropriation, Annual Budget CY2015, Non-Office Economic Sector -Land Acquisition/Expropriation” aron magamit sa bayad sa claim for just compensation sa loteng naigo sa 20 metros nga pagpalapad sa dalan diha sa Macapagal Drive sa Barangay Canitoan, ning syudad.

Ang ordinansa naghatag usab og katungod ni Mayor Oscar Moreno pagpirma sa gikinahanglang Deed of Absolute Sale.

Ang maong ordinansa nga gipalabang sa konseho alang sa maong katuyuan gipaluyuhan sa komite sa subdivision and landed estate ni konsehal Dometilo Acenas Jr. ug komite sa pamalaod ug reglamento ni konsehal Ian Mark Nacaya. (Yonggals)