Panahon dili usikan alang sa kaugmaon sa kabataan –Suan

Usa ka mabulokon nga mensahe ang gipaabot ni konsehal Lordan Suan, chairman sa komite sa ethics & blue ribbon atol sa gipahigayon nga kalihokan sa Departamento sa Edukasyon- Division sa Cagayan de Oro sa mga Senior High EXPO ug JOB FAIR nga gipahigayon karon ug ugmang adlawa diha sa Gaston Park.

Ang kalihokan gisalmotan sa schools division sa El Salvador ug Camiguin. Tumong niini nga masaksihan ang abot sa mga Senior High School ug paghatag kanila sa mapuslanon nga kahigayonan sa pagpanarbaho diin mao ang tumong sa K-12 program.

Dili usikan ang kabilhon sa panahon samtang batan-on pa kay dali ra ang panahon molabay ug dili na kini mobalik pa. Dili angayan usikan sa pagsuroy-suroy, sobra nga paglingaw lingaw ilabina sa mga bisyo nga mahimong makaguba sa ilang kaugmaon, panawagan ni Suan.

Ang panahon dili usikan angayan kini nga gamiton pinaagi sa pagpanday alang sa hayag nga kaugmaon. Ang kalamposan usa ka butang nga diin adona kay tumong ug magmugna kanimo kon unsa ka damlag ug sa umaabot nga panahon, panapos ni konsehal Suan. (APD)