SB1 sa 6 barangays giuyonan sa konseho

Unom ka barangay ang gipaabot nga mopatuman sa ilang dugang mga programa ug proyekto nga wala mapatuman sa miaging tuig.


Kini human ang konseho sa sesyon niadtong Lunes nga gidumala ni bise mayor Kikang Uy hiniusang misagop og unom ka managlahing resolusyon nga nag-uli sa mga ordinansa sa unom ka mga barangay diin nasukip ang ilang Supplemental Budget No. 1 sa 2017.


Ang maong mga unom naglakip sa Barangay 9, 11, 31, 28, Kauswagan ug Iponan alang sa hingpit nga implementasyon.


Nakahan-ay sa maong budget ang listahan sa tanang mga programa ug proyekto nga gipunduhan sa barangay nga gilantawng makahatag og dugang kalamboan ug kaarangan sa katawhan.


Si bise mayor Kikang mibutyag nga mahinungdanon kaayo ang papel sa barangay diha sa ilang mga ginsakopan hinungdan angyan nga suportahan ang tanang mga programa ug proyeko aron ang matag uisa mahatagan sa patas nga kahigayunan sa serbisyo sa gobyerno .


Ang mga resolusyon nga gipalabang sa konseho alang sa maong katuyuan gipaluyuhan sa komite sa barangay affairs ubos ni konsehal Alam Lim ug komite sa pamalaod ug reglamento ni konsehal Ian Mark Nacaya. (Yonggals)