Lim motuon sa Solidwaste Mgmt Plan sa Barangay 30

Tun-an sa komite sa barangay affairs ni konsehal Alam Lim ang ordinansa nga gipalabang sa konseho sa Barangay 30.

Kini nagpatuman sa ilang Solidwaste Management Program ug nagpahamtang sa multa alang niadtong makalapas niini.

Sa maong balaod, gimando ang pagbahin bahin o’ pag-segregate sa mga basura sa mga residente aron mapalapdan ang kampanya sa pag-recycle ug subling paggamit sa mga basura nga mapuslan pa aron maminusan ang gidaghanon sa basura sa dili pa kini ilabay.

Niini, ang barangay mitumbok sa dapit alang sa ilang Materials Recovery Facility (MRF) nga maoy magsilbing drop-off center aron modawat o’ temporary nga mahipos, mabahin bahin ang mga basura ug uban pa sa dili pa kini dad-on alang sa final disposal area alang sa mga nahabiling dili na magamit ngadto sa Sanitary Landfill dinha sa barangay Pagalungan. (Yonggals)