Dahino misugyot subling matun-an gipatumang water system project

Tun-an sa komite sa panalapi ni konsehal Edna Marban-Dahino ang pagbalik lantaw sa mga listahan sa mga proyekto nga gipundohan sa Cagayan de Oro Water District (COWD) alang sa mga proyekto sa panubig.


Si konsehal Dahino, sa sesyon sa konseho niadtong Lunes nga gidumala ni bise mayor Kikang Uy, nangutana nga sa tuig 2004 adunay ordinansa sa syudad nga naghatag ug gahin alang sa panubig dinhi sa dakbayan.


Matod nga siya dili supak sa pagpatuman sa mga proyekto sa panubig. Gani, ang maong ordinansa namugna niadto pang tuig 2006 ug karon 2017, pasabot nga onse na ka tuig ang milabay ug kun kini i-multiply sa 11 ka tuig mahimo kini nga P66 milyones.


Buot masayran sa konsehal kun ang P66 milyones nagamit ba tungod kay daghan ang mga barangay nga nagpabilin ang problema sa panubig.

Kinahanglan nga masayran ug matun-an ang sitwasyon asa ang maong pundo, pamahayag ni Dahino. (APD)