Hangyo sa Canitoan Farmers Assn tun-an sa kom sa games

Konsiderahon sa komite sa games and amusement ni konsehal Zaldy Ocon ang sulat sa mga sakop sa tangke Canitoan Farmers Neighborhood Association diha sa Zone 1 Canitoan, ning syudad.

Kini mihangyo uban sa ilang mga sakop nga unta ma-legalize ang bulangan diha sa ilang dapit hinungdan sila subling mi-apply og permit. Matod nila nga ang maong bulangan nag-operate nga walay permit panahon sa mga espesyal nga okasyon nga gi-patronize sa mga residente. Gani, nakahatag pa kini og trabaho sa ilang dapit.

Dugtong niini, sila mipasabot nga unta mahatagan sila og permit susama sa permit nga gihatag ngadto sa Bulua ug Indahag.

Ang maong hangyo paborableng girekomendar sa barangay Canitoan pinaagi sa Resolution No. 17-304 ug sila nanghinaut nga mag-aprobahan na ang ilang gihangyo nga permit alang sa maong katuyuan. (Yonggals)