Dugang pagtuon sa lakang pagmugna og 48 positions sa City Hospital gisugyot

Gikinahanglan pa dugang pagtuon alang sa pagmugna sa 48 ka positions diha sa J.R. Borja General Hospital.

Kini ang pamahayag ni konsehal Edna Marban-Dahino, komite sa Finance, Budget & Appropriations ug konsehal George Goking, chairman sa komite sa Ways & Means atol sa hiniusang tigom sa duha ka kometiba niadtong milabayng.


Gipasabot ni konsehal Dahino nga angayan ang makuting pagtuon tungod kay ang gikinahanglan nga gahin mokabat sa P25 milyones.


Atong lantawon ang mga posisyon nga gisugyot tungod kay dako kaayo ang pundo nga gikinahanglan ilabina nga adunay kakulangon sa koleksyon sa panudlanan sa dakbayan, pamahayag ni konsehal Goking.


Si Dahino midugang nga kinahanglang masusi usab kun unsa na ang tukmang kahimtang sa hospital. Segun sa sugyot, gikinahanglan ang dugang mga kawani sa hospital sama sa nars ug doktor aron maabot ang giingong tukmang gidaghanon niini itandi sa mga pasyente nga modangop.


Sa laing bahin si konsehal Goking mipahinumdum sa kadagkoan sa hospital kabahin sa operasyon sa ICU. (APD)