Hangyo sa Canitoan tun-an sa komite sa subdivision

Konsiderahon sa komite sa subdivision and landed estate sa konseho ni konsehal Dometilo Acenas Jr. ang hangyo sa Archdiocese of Cagayan de Oro pagpalit og lote nga matukuran sa ilang gisugyot nga chapel diha sa barangay Canitoan.


Buot sa kadagkoan sa St. Joseph the Worker Chaplaincy nga makatukod og chapel aron magamit sa spirituhanong kalihukan sa mga residente sa dapit diha sa Calaanan Relocation Site.


Segun sa sketch plan ug technical description nga gihikay sa City Engineering Office, ang lote nga gilaraw nga paliton alang sa maong katuyuan adunay gilapdon nga 4,336 metros kwadrado ug gani si Mayor Oscar Moreno mihangyo nga maaprobahan ang sugyot ordinansa alang sa maong katuyuan.


Hinuon, ang City Legal Office miluwat og opinion nga mipadayag og pag-uyon sa maong lakang sa rason nga kini gitagana alang sa kinabag-ang katawhan sa dapit.