Sobra kataas nga singil sa pletehan sa mga rela dihas Agora gireklamo

Konsiderahon sa komite sa public utilities ni konsehal Teodulfo Lao Jr. ang sulat nga gipadangat ni kapitan Norbel Saa sa barangay Macabalan.

Kini kalabot sa reklamo sa mga molopyo sa iyang barangay sa sobra nga singil sa mga driver sa motorela ug taxi sa pletehan alang sa rutang gikan sa Agora paingon sa Pier, Macabalan, ning syudad.

Giingon nga sobra kaayo ang gisingil nga pletehan kun itandi sa gilatid sa fare matrix ubos sa ordinansa sa syudad ug sa balaod sa nasud.

Gihangyo ni Saa nga subling matun-an ang ordinansa sa syudad alang sa maong katuyuan aron masolusyonan ug mahatagan sa igong patagad ang maong problema.

Dugang niini, siya mihangyo nga mapatawag ang mga transport group aron mapasabot ang tukmang pagsunod sa transport regulation sa syudad. (Yonggals)