NORMAA naakredit isip LSB sa CdeO

Naakredit na isip usa sa mga Local Special Bodies (LSB) sa dakbayan sa Cagayan de Oro ang Northern Mindanao AIDS Advocates (NORMAA), Inc.

Kini human ang konseho sa syudad ubos ni bise mayor Kikang Uy, sa sesyon kagahapon, hiniusang misagop sa Resolosyon nga nag-akredit sa NORMAA isip usa sa mga LSB sa kagamhanan sa dakbayan subay sa DILG Memorandum Circular No. 2016-97 and Article 64, Rule XIII sa Rules and Regulations nga nagpatuman sa 1991 Local Government Code.

Niini, ang kapunungan mahimong makadawat og pundo alang sa pagpatuman sa ilang mga proyekto ug programa gikan sa kagamhanan sa syudad ug uban pang ahensya sa gobyerno ubos sa Commission on Audit (CoA) circular kalabot sa maong katuyoan.

Ang akreditasyon sa NORMAA maghatag usab kanila og kahigayonan nga mamahimong lehitimong sakop sa Cagayan de Oro AIDS Council.

Ang resolosyon nga gisagop sa konseho alang sa maong katuyoan gipaluyohan sa komite sa panglawas ni konsehal Malou Gaane ug komite sa pamalaod ni konsehal Ian Mark Nacaya