Suan motuki sa reklamo sa Consolacion Sand and Gravel Operators Association

Tukion sa komite sa ethics & blue ribbon ni acting vice mayor Lordan Suan ang kaso administratibo nga gipasaka ni Wenceslao A. Mingo, presidente ug chairman sa board sa Consolacion Sand & Gravel Operator’s Association diha sa barangay Consolacion, ning syudad.

Ang kapunungan mipasaka sa lima ka kaso batok sa kapitan sa Consolacion ug ni Grgoria Sagoysoy sa maong barangay.

Matod pa nga ang maong mga akusasado nakalapas sa Republic Act 3019 “Anti-Graft And Corrupt Practices Act”; nakalapas sa R.A. 6713, Sec.4 “Code of Ethical Standards of Public Officials, Grave Misconduct (Art.IX-A Sec. 6-CSC Revised Adminstrative Rules, Abuse of Authority (CSC-A.O. 37); paglapas sa E.O. 292-chapter 7 sec. 4 section 2 Conduct prejudicial to the best interest of the service.

Ang ika-upat nga kalapasan mao ang violation sa E.O 226, sec. 1, 2 (a)(b) ug (c) doctrine of command responsibility samtang ang ikalimang kaso mao ang paglapas sa Bill of Rights Art. III, sec.8 katungod sa katawhan nga momugna og kapunungan.

Matod pa nga nagsumikad ang panagbangi sa duha ka partido human wala magkasinabot sa quarry operations sa sand and gravel sa maong dapit ug paglapas sa katungod sa usa ka organisasyon. (APD)