2026 budget sa Brgy. 28 giaprobahan sa Konseho

MAPATUMAN na sa Barangay 28 ang ilang gihan-ay nga mga programa ug proyekto alang karong tuiga.

Kini human ang Konseho sa Syudad sa milabayng sesyon nga gidumala ni Bise Mayor Bebot Rodriguez misagop sa resolusyon nga nag-uli sa ordinansa sa Barangay 28 nga may kalabotan sa ilang 2026 Annual Budget nga adunay gibanabanang kinitaan ug galastuhon balor P4,478,147.00.

Lakip sa gipundohan sa Brgy. 28 mao ang 20-porsyentong Development Fund balor P592,055.00; samtang P447,815 ang gigahin alang pagpatuman sa mga programa sa Sangguniang Kabataan; P10 mil ang gigahin alang sa feeding program sa mga kabataan; P70,000 alang sa paghimo sa pathways samtang P80,055 usab ang gitagana alang sa rehabilitasyon sa ilang multi-purpose center ug uban pang mga programa nga maghatag kaayohan sa katawhan.

Ang 2026 annual budget sa Barangay 28 miagi sa makuting pagtuon sa mga komite sa konseho ug nasuta nga nahiuyon sa balaod ug mahimo nang ipatuman.

Ang resolusyon nga gipalabang sa konseho alang sa maong katuyoan gipaluyohan sa komite sa barangay affairs ni Konsehal Marlo Tabac ug sa komite sa pamalaod ug reglamento ni Konsehal Edgar Cabanlas. (MLR/SP)

SP lauds USTP arnis team for MASTS 2025 feat

The 21^st City Council commended the University of Science and Technology of South Philippines arnis team, through a resolution authored by Councilor Jonjon Rodriguez, for their performance in the 2025 Mindanao Association of State Tertiary Schools (MASTS) Games, held in Oroquieta City.

The 15 student-athletes secured a Top 6 finish among 32 participating state universities and colleges.

The team was composed of Jurelen Bernaldez, Shaira Bonita, Jayne Kate Manlangit, Sherlyn Rom, Cyril Bonita, Christian Lavador, Mark Anthony Jamila, Joseph Palacio, John Roe De Casa, Avric Rey Ugsod, Xyra Jaen Oblimar, Erica Languita, Genetyron Zamoranos, James Baldonado, and Leander Villegas, under the guidance of their coach, Mr. Dwight T. Esquierdo.

The City Council recognized the team’s excellence and significant contribution in bringing pride and honor not only to USTP but also to the entire City of Cagayan de Oro. (JDO/SP)

Business permits, license renewal gilugwayan hangtod Marso 31

HINIUSANG giuyonan sa Konseho atol sa sesyon niadtong Lunes nga gidumala ni Bise Mayor Bebot Rodriguez ang paglugway sa deadline sa business permit renewal gikan Enero 20 ngadto sa Marso 31, 2026.

Kini human girekomendar ni Mayor Rolando ‘Klarex’ Uy ang maong lugway nunot usab sa sulat-hangyo gikan sa mga negosyante sa siyudad alang sa maong extension.

Dako ang paglaum sa Konseho nga niining paglugway, makahatag og pag-usbaw sa kinitaan sa dakbayan sa Cagayan de Oro. (RNQ/SP)