Taas nga multa sa mga colorum ipatuman sa Oktubre -Salcedo

GILARAW nga hugot nang ipatuman karong bulan sa Oktobre ang mas taas nga multa sa mga colorum nga sakyanan nga padayong nagbiyahe sa syudad.

Kini ang pamahayag ni konsehal Eric Salcedo, chairman sa komite sa public utilities, human niya nadawat ang mga taho nga midaghan ang mga colorum nga sakyanan nga maoy nakapadugang sa kapiot sa dagan sa trapiko sa dakbayan.

Sumala ni Salcedo nga anaa pa sa committee level ang planong pag-amenda sa city ordinance batok sa mga colorum nga sakyanan nga lakip niini ang mga side car, bao-bao ug mga motorela.

Lakip usab sa mga pagbag-o nga himoon sa ordinansa ang pag-impound sa mga sakyanan nga makit-ang nag-operate isip colorum ug mas tas-an pa ang mga multa niini.

Malaumon si konsehal Eric Salcedo  nga sa maong pamaagi mapakgang ang pagdagsa sa mga colorum ug makunhoran ang problema sa dagan sa trapiko sa syudad. (MLR/SP)