Suan misugyot og balaodnon mabutang sa malls, arcades mga e-games, e-bingo

MINTRAS nag-update kita sa atong Land Use Plan sa syudad, atong hatagan sa panugot nga mabutang sa kasamtangan diha sa mga malls o’ arcades ang tanang negosyo sa e-games ug e-bingo.

Kini ang gipaambit nga sugyot ni Konsehal Aga Suan atol sa tigom sa komite sa games and amusement ni Konsehal Roger Abaday human gituki ang planong pagbutang sa maong matang sa negosyo sa usa ka dapit.Sumala ni Suan nga isip usa ka magpapatigayon sa syudad mas importante kanilang mga negosyante nga mapahimutang sa dapit nga masayon ug luwas alang sa katawhan.

Lakip sa gilantaw ni Suan nga makonsidera nga mapa-himutangan sa maong negosyo ang hinterland barangays sa katuyu-an nga mo-usbong ug mapalambo ang maong dapit.

Niini, malaumon ang konsehal nga magmalampuson ang maong tinguha ug daghan pang mga magpapatigayon ang maaghat pagbobo sa ilang negosyo dinhi sa syudad kay dili naman lisod ug langan ang pag-apply sa permit sa maong matang sa negosyo.