SK Carmen nakadawat og mga pasidungog

DAKO ang kalipay ni Konsehal Kenneth John Sacala, City SK Federation President, sa mga pasidungog nga nadawat sa Sangguniang Kabataan sa Barangay Carmen.

Mahinumduman nga nadawat sa SK Carmen ang maong mga pasidungog  atol sa monitoring and assessment evaluation sa Oro Youth ug kini bunga sa ilang paningkamot, dedikasyon ug sa tinud-anay nga pag-alagad  sa kabatan-onan.

Ang maong mga pasidungog gilangkoban sa highly compliant, youth participation award, youth sustainability award ug plaque of commendation isip highly compliant sa 2025 Oro SK Monitoring and Assessment.

Dugtong niini, nakadawat usab sila sa plaque of recognition tungod sa epektibo ug efisyenteng pagdumala sa kabatan-onan, plaque of recognition tungod sa pagpromote nga magpartisipar ang kabatan-onan sa barangay youth governance ug certificate of participation alang sa Oro SK coaching, monitoring ug assessment ug special citation on outstanding youth leadership award ngadto ni Konsehal Sacala.

Matod sa konsehal nga kini nga kalamposan bunga sa pagtinabangay ug dedikasyon  sa mga SK officials, youth leaders ug sa kinatibuk-ang komunidad sa Carmen. (JRG/SP)