Resolusyon alang mapadali pagtukod sa Hall of Justice gisuportahan ni Abaday

SI Konsehal Roger Abaday, chairman sa komite sa public order and safety, mipadayag sa iyang hugtanong pagsuporta sa resolusyon nga maghangyo sa Korte Suprema nga mapadali ang pagtukod sa moderno ug bag-o nga Hall of Justice sa Cagayan de Oro.

Kini human mipadangat sa iyang special report si Konsehal Jonjon Rodriguez, atol sa sesyon niadtong Lunes nga gudumala ni Bise Mayor Bebot Rodriguez kalabot sa maong katuyoan.

Sumala ni Abaday nga dako og makatabang sa ekonomiya ug sa kahusay ug kalinaw sa syudad ang pagpatuman sa pagtukod og bag-o ug moderno nga Hall of Justice ug buhatan sa Court of Appeal nga hangtod ning mga panahona walay kaugalingong building tungod sa pagka sunog niadtong Enero 30, 2015.

Si Abaday midugang nga na-survey na ang dapit diin pahimutangan sa bag-ong Hall of Justice diha sa Barangay Indahag niadtong tuig 2022 ug gilaumang mahatagan na kini sa igong pagtagad sa nasudnong pangagamhanan.Niini malaumon si Konsehal Roger Abaday nga pinaagi sa maong resolusyon sa konseho ug sa pag-abag ug pagtabang ni Congressman Rufus Rodriguez mapadali ang pagtukod sa moderno ug bag-o nga Hall of Justice sa syudad sa Cagayan de Oro. (MLR/SP)