top of page

RECLAMATION PROJECT SA CDO GIHINGUSGAN



SA tinguha nga mapatuman sa hingpit ang gisugyot nga land reclamation project sa kagamhanan sa dakbayan sa Cagayan de Oro, ang konseho sa syudad ubos ni Bise Mayor Bebot Rodriguez hugtanong mihangyo sa rehiyonal nga buhatan sa Department of Environment and Natural Resources (DENR-10) nga masuspende ang pagproseso sa mga aplikasyon alang sa foreshore lease. Kini maglangkob sa mga dapit gikan sa barangay Lapasan paingon sa Barangay Bugo.


Dugang niini, ang konseho mihangyo usab ni DPWH secretary Manuel Bonoan ug DPWH -10 regional director Zenaida Tan nga paluagan paingon sa dagat ang linya sa gisugyot nga coastal road project gikan sa Lapasan paingon sa Bugo.


Tinguha niini nga mapalapdan ang salvage zone nga makuha gikan sa proyekto aron magamit ug mapalambo sa dakbayan isip reclamation area. Ang duha ka resolosyon nga gisagop sa konseho alang sa maong katuyoan gipangamahanan ni Konsehal Edgar Cabanlas.

Comments


bottom of page