Programa, proyekto sa Baikingon hingpit nang mapatuman

HINGPIT nang mapatuman sa Barangay Baikingon, ning syudad ang ilang mga programa ug proyekto alang ning tuig 2021.

Kini tungod kay ang konseho sa sesyon niadtong Lunes nga gidumala ni Bise Mayor Kikang Uy misagop og resolusyon nga nag-uli sa ordinansa sa barangay nga may kalabutan ang ilang Annual Budget nga adunay gibana banang gahin og galastohon balor P4,820,479.

Lakip sa gigahinan sa barangay ang pagpalit og lote nga tukoran sa ilang multi-purpose hall, pag-instalar og suga sa kadalanan, pagtukod og drainage ug canal, pagrehabilitar sa ilang Child Development Center, pagrehabilitar sa guard hill ug daghan pang uban nga gilantaw’ng maghatag dugang kaarangan ug kalamboan sa barangay.

Sumala ni Lim nga iyang gisuportahan ang maong lakang tungod dako kini og ikatabang aron mapalapdan pa ang serbisyo nga matunol sa laing dapit.

Ang resolusyon nga gipalabang sa konseho alang sa maong katuyoan gipaluyohan sa komite sa Barangay Affairs ni Konsehal Lim ug komite sa pamalaod ug reglamento ubos ni Konsehal Ian Mark Nacaya.