top of page

Programa magproteher sa kinaiyahan gipalapdan

NAGPADAYON ang kagamhanan sa dakbayan sa Cagayan de Oro sa pagpatuman sa mga programa nga magproteher sa kinaiyahan.

Sa sesyon sa konseho niadtong Lunes nga gidumala ni Bise Mayor Kikang Uy hiniusang gipalabang ang ordinansa nga naghatag og katungod ni Mayor Oscar Moreno pagpirma sa Deed of Donation tali sa Department of Environment and Natural Resources (DENR).

Kini naglangkob sa duha ka unit sa motorsiklo ug usa ka unit sa computer desktop nga adunay printer aron magamit dinha sa pagpatuman sa Integrated Natural Resources and Environment Management Project (INREMP) dinhi sa syudad.

Mahinumduman nga ang DENR mipatuman sa INREMP dinha sa Cagayan de Oro River Basin sa tinguha nga maminusan ug mapakgang ang grabeng environmental degradation sa gitumbok nga upat ka Upper River Basin.

Niini, gilantaw ang usbaw sa kinitaan sa matag rural household ingon man ang kinitaan sa lokal nga kagamhanan.

Ang ordinansa nga gipalabang sa konseho gipaluyuhan sa komite sa pamalaod ni Konsehal Ian Mark Nacaya uban nila ni Konsehal Edgar Cabanlas ug Maria Lourdes Gaane.



bottom of page