Pagrehabilitar sa drainage system sa Barangay 33 suportado sa konseho

HAYAN  maminusan na ang mga pagbaha diha sa Barangay 33 ning dakbayan.

Kini human ang konseho  sa sesyon kagahapon nga gidumala ni Bise Mayor Bebot Rodriguez hiniusang mipalabang og resolusyon nga nag-aprobar sa Barangay Ordinance No. 01-2026 nga may kalabotan sa ilang 2026 Annual Budget nga adunay gibana banang kinitaan ug galastohon balor P4,135.836.

Lakip sa gihatagan sa prayoridad sa Barangay 33 ang pagrehabilitar sa ilang drainage system, pag-instalar og CCTV nga gamiton sa garbage monitoring ingon man ang pagrehabilitar sa material recovery facility.

Ang resolusyon nga gisagop sa konseho alang sa maong katuyoan gipaluyohan sa komite sa barangay affairs ni Konsehal Marlo Tabac ug komite sa pamalaod ug reglamento ubos ni Konsehal Edgar Cabanlas. (JRG/SP)