top of page

Pagpatuman sa Social Protection Program alang sa kabatan-onan sa CDO gilantaw

KONSIDERAHON sa konseho sa syudad ubos ni Bise Mayor Kikang Uy ang sugyot ordinansa nga maghatag og katungod ni Mayor Oscar Moreno pagpirma sa Memorandum of Agreement (MoA) tali sa kagamhanan sa dakbayan ug Commission on Population and Development (PopCom)-Region 10.

Kini naglangkob sa kolaborasyon tali sa dakbayan og PopCom dinha sa pagpatuman sa programa nga maghatag og social protection sa mga batan-on nga inahan ug ilang mga anak kon Social Protection Program for Adolescent Mothers and their Children (SPPMAC).

Tinguha sa maong lakang nga mahatagan sa dugang kaarangan ang kinabuhi sa matag benepisaryo sa programa.

Gilantaw nga pinaagi niini matabangang makunhuran ang gidaghanon sa unwanted pregnancies sa ingon maminusan ang hagit sa pinansyal nga kakulangon ug pagtubag sa mga batakang panginahanglan sa matag inahan ug anak.

Sa gisugyot nga MoA, ang PopCom maghatag sa technical ug financial assistance pinaagi sa Trust Fund, mapatuman ang mga tukmang palisiya ug pamaagi sa SPPMAC samtang ang dakbayan mag-provide sa magtudlo ug magpatuman sa programa ingon man magplano, makigtambayayong, magmonitor, mag-assess sa angayang paagi subay sa SPPMAC Work and Financial Plan.

Dako ang paglaum ni Bise Mayor Uy nga ang programa makatabang pagsulbad sa nagkadaghang unwanted teenage pregnancies sa usa sa nakitang hulga sa kalamboan sa kabatan-on.


bottom of page