Pagpangandam batok kalamidad gihingusgan sa Barangay Tumpagon

GIHINGUSGAN sa Konseho sa Barangay Tumpagon ang programa kabahin sa pagpangandam batok sa mga kalamidad.

Kini human ang konseho sa sesyon niadtong Lunes nga gidumala ni Bise Mayor Bebot Rodriguez mipalabang sa resolusyon nga nag-aprobar sa Ordinance No. 1, series of 2026 sa Barangay Tumpagon, diin nasukip ang ilang Annual Budget alang sa tuig 2026.

Ang maong annual budget adunay gibana-banang kinitaan ug galastohon balor P6,449,988.00 alang sa hingpit nga pagpatuman karong tuiga.

Ang maong budget, ang Barangay  Tumpagon migahin sa P322 mil alang  sa pagpangandam ug pagtubag sa kalamidad, ug pagpamalit og mga gamit ug himan nga magamit panahon sa kalamidad.

Ang resolusyon nga gipalabang sa konseho alang sa maong katuyoan gipaluyohan sa komite sa barangay affairs ni Konsehal Marlo Tabac ug komite sa pamalaod ug reglamento ubos ni Konsehal Edgar Cabanlas. (RNQ/SP)