Paghatag amnestiya sa buhis kinahanglang tun-an, Konsehal Lao

HUGOT nga gipadayag ni Konsehal Teodulfo Lao, Jr., chairman sa komite sa energy, nga dili makiangayon ang paghatag og amnestiya sa mga negosyante nga dili relihiyosong gabayad sa ilang buhis.

Kini ang reaksyon ni Konsehal Lao sa special report ni Konsehal Lordan Suan sa sesyon niadtong Lunes nga gidumala ni Bise Mayor Kikang Uy nga naghangyo sa kagamhanan paghatag og amnestiya sa balayronon sa buhis ngadto sa pipila ka tag-iya sa negosyo

nga adunay mga kalapasan sa pagbayad sa buhis ingon man sa real property tax.

Matod ni Lao nga inhustisya kini alang sa ubang mga negosyante nga taliwala sa pandemya nagbayad gayud sa oras tingbayad nga walay nadawat nga insentibo gikan sa kagamhanan sa dakbayan.

Gipasabot ni Konsehal Lao nga gikinahanglan ang makuting pagtoon sa maong hisgutanan ug uyon nga iduso kini ngadto sa komite sa ways & means ni Konsehal George Goking ug sa komite sa panalapi ni Konsehal Edna Dahino aron makakab-ot

alang sa dugang pagtoon ug rekomendasyon.