top of page

P950 mil balor nga 3 programs sa Lapasan SK mapatuman

Mokabat sa P950 mil ang pundong gigahin sa Sangguniang Kabataan (SK) sa Barangay Lapasan aron mapatuman mga programa sa Capacity Building, pagproteher sa kinaiyan ug kampanya kontra droga sa dapit.


Kini ang unod sa gisumeteng 2023 Annual Budget sa SK sa barangay Lapasan ngadto sa komite sa Sports and Youth Development ni Konsehal John Michael Seno nga adunay gibanabanang kinitaan ug galastohan balor P4,299,004.00.


Lakip sa gipundohan mao ang programa sa Gender Sensitivity, pagpalapad sa edukasyon kabahin sa natad sa panglawas, adolescent sexual and reproductive health, youth employment and livelihood, mga kalihokan pahaom sa kasaulogan sa Linggo ng Kabataan ug uban pang proyekto nga makapadasig sa kabatan-onan diha sa pagkab-ot sa dugang kaarangan og kalamboan sa ilang dapit.


Comments


bottom of page