P12.2-M FMR projects giaprobahan

MOBALOR sa P12.2 milyones alang sa pito (7) ka mga proyekto sa farm-to-market roads ang gilantaw nga mapatuman karong tuiga.

Kini ang nasukip sa giuyonan sa Konseho sa Syudad ubos ni Bise Mayor Bebot Rodriguez nga 2026 Supplemental Annual Investment Program (SAIP) No. 1.

Lakip niini ang P700 mil balor nga pagkonkreto sa dalan diha sa Barangay Pigsag-an;  P3 milyones alang sa dalan sa Barangay Dansolihon (Phase II); P2 milyones alang sa dalan diha sa Barangay Bugo; balor P2 milyones sa dalan sa Barangay Tablon (Pase II); balor P1 milyon alang sa dalan sa Barangay Cugman; P2 milyones sa dalan sa Barangay Indahag (Moloypoloy) ug balor P1.5 milyones alang sa Sitio Kamansi, Barangay F.S. Catanico.

Samtang gahinan usab ang balor P500 mil alang sa pagpalit og 1 unit glass crusher machine ug 2 unit plastic shredder machine sa tinguha nga mamintenar ang pagdumala sa basura diha sa JR Borja General Hospital.

Subay usab kini sa Safety, Security, and Human Development component sa RISE agenda sa kagamhanan diin ang maong mga proyekto gilantaw nga makatabang dinha sa paghatag sa dugang kaarangan sa kinabuhi sa matag Kagay-anon. (RNQ/SP)