Ordinasa kalabot pagpataka og labay sa hugaw, gisugyot ni Salcedo

GITINGUHA ni Konsehal Eric Salcedo, chairman sa komite sa environment and natural resources, ang pagpalabang og ordinansa nga magregulate niadtong mga malapason nga bisan-asa nalang maglabay sa ilang mga hugaw palibot sa syudad.

Kini ang gisugyot sa konsehal atol sa tigom sa komite bag-ohay  lang  nga diin iyang  gitumbok ang Fuzo Negro  nga giingong  walay insaktong labayanan sa ilang mga hinabwa nga hugaw ug dili  gani gakapahamtangan sa tukmang silot tungod kay wala pamay  balaod  alang sa maong katoyuan.

Sumala  usab sa konsehal  nga adunay mga reklamo ang iyang nadawat kabahin sa maong isyu sa paglabay sa mga trabahante sa fuzo negro panahon sa kagabhion.

Niini, gihangyo ni Konsehal Salcedo ang mga kawani sa City Local Environment and Natural Resources (CLENRO) nga tun-an kini og moluwat sa  ilang rekomendasyon sa labing dali nga panahon aron hingpit nga maregulate ang pagtaka og labay  sa mga  hinabwang  hugaw gikan sa maong matang  sa Negosyo. (MLR/SP)