Online business coaching, mentoring series ipahigayon ugmang adlawa

Kikang nag-aghat sa mga magpapatigayon pagsalmot sa kalihokan

SA tinguha nga maabagan ang mga magpapatigayon nga makalahutay sa ilang operasyon ning panahon sa pandemya, gilusad sa dakbayan sa Cagayan de Oro ang Business Response and Recovery Planning with Employment Retention Plan alang sa mga MSMEs.


Ang maong virtual business coaching and mentoring series ugma sa alas 2 sa hapon gipasiugdahan sa Cagayan de Oro Trade and Investment Promotions Center (Oro-TIPC) inubanan sa USAID Strengthening Urban Resilience Growth with Equity (SURGE) Project alang sa mga micro, small and medium enterprises (MSMEs). Kini mao kadtong mga negosyo nga adunay asset size nga P100 milyones ug employment size nga dili mominus sa 200 ka mga kawani.


Nasayran nga ang mga MSMEs naglangkob sa 99 porsyento (99%) sa mga rehistradong patigayon sa dakbayan ug nahiagum usab sa kalisod gumikan sa pandemya.


Ang programa maghatag og kapasidad sa mga MSMEs nga makasagop kasamtangang kasinatian ug maka-upgrade aron makalahutay taliwala sa pandemya.


Niini, si bise mayor Kikang Uy nagdasig sa mga negosyante pagsalmot sa kalihokan nga ipahigayon virtually pinaagi sa pagrehistro sa https://bit.ly/3k0GGRQ.

Ang maong session maglakip sa simplified firm-level action planning nga gipahaum sa bisan unsang matang sa negosyo diin gikuhaan og ehemplo ang kasinatian sa mga negosyante ug gitinguha nga makamugna ang mga negosyante sa ilang kaugalingong written recovery plan, pamahayag ni bise mayor Kikang Uy. (SP)