MOA kalabot right of easement grant sa Moresco giuyonan sa Konseho

GILANTAW nga  makabaton sa linya sa kuryente ang Barangay San Simon ning syudad.

Kini human ang Konseho sa sesyon kagahapon nga gidumala ni Bise Mayor Bebot Rodriguez nagpalabang sa ordinansa nga naghatag katungod ni Mayor Rolando Klarex Uy sa pagpirma  sa  Memorandum of Agreement (MoA) tali sa Misamis Oriental 1 Rural Electric Service Cooperative Inc. (MORESCO 1) nga may kalabotan  sa paghatag og right of way easement grant pabor sa maong electric cooperative aron  makainstalar og electric transmission o power distribution line sa maong barangay.

Gilauman nga kon aduna nay linya sa kuryente ang maong bahin sa San Simon, hayan mapalambo usab ang kalidad sa kinabuhi sa mga residente. (JRG/SP)