Lumbia mihangyog luna nga tukuran sa USTP –Annex Campus

KONSIDERAHON sa komite sa Edukasyon ubos ni Konsehal Suzette Magtajas-Daba ang hangyo sa konseho sa Barangay Lumbia, ning syudad ubos ni Kapitan Alexander Torralba nga magahinan og usa ka luna aron tukoran og USTP-Annex Campus.

Nasayran nga nakita sa konseho sa barangay ang strategic location alang sa maong eskwelahan diha sa portion sa pagatukorong socialized housing sa mga kawani sa City Hall nga gipanag-iya sa kagamhanan sa dakbayan.

Malaomon si Konsehal Daba nga mahatagan kini og daling pagtagad sa kagamhanan kay magdala kini og dakong kalamboan og kaarangan sa mga kabataan dili lamang sa maong barangay lakip na sa mga kasikbit nga dapit.