Lao, tiunay nga public servant –Kikang

USA ka tiunay nga nanerbisyo sa publiko si Konsehal Bong Lao.

Mao kini ang giluwatan ni Bise Mayor Kikang Uy atol sa sesyon sa Konseho niadtong Lunes sa hinanaling pagpanaw sa konsehal ngadto sa laing kalibutan.

Dako nga kawad-on dili lang sa Konseho kun dili sa katawhan sa dakbayan sa Cagayan de Oro ang pagtaliwan ni Lao tungod kay usa siya sa labing aktibo nga mga konsehal dinha sa walay puas nga pagserbisyo sa mga Kagay-anon, sumpay sa bise mayor.

Niini, ang konseho mipadayag sa ilang kagul-anan sa pagkawala sa usa sa labing maligdong nga public servant ug mipadangat sa pahasubo ngadto sa nagbangutang pamilya ni Konsehal Bong Lao.