top of page

Lao dili pabor pagmugna sa dugang satellite registration


Ang pagmugna og laing satellite registration sa vaccination alang sa mga senior citizen makadugang lang kini sa palas-anon sa trabaho sa mga personahe sa City Health Office ning syudad.

Kini ang reaksyon ni Konsehal Teodolfo Lao, Jr., Chairman sa komite sa public utilities ug energy sa taho ni Konsehal Roger Abaday atol sa sesyon niadtong lunes nga gidumala ni Bise Mayor Kikang Uy.

Matod ni Konsehal Lao nga ang syudad gipailawom man sa MECQ ug subay sa giya nga gisitar sa IATF gidid-an ang tanang hamtong nga mogawas sa ilang tagsa-tagsa ka panimalay .

Gipasabot ni Lao nga segun sa iyang personal nga kasinatian diha sa vaccination area sa SM Premier dili istrikto ang mga nadestinong doctor, gani wala man nangita og medical certification kay igo lang nila gianalisar ang mga nakalistang sakit diha sa application form sa dili pa himoon ang pagbakuna.

Gibutyag usab ni Lao human kini mabakunahi adunay sertipiko nga gaihatag ngadto sa hintungdan pagmatood nga fully vaccinated na sila.

Niini, gitataw ni Konsehal Lao nga dili na kinahanglan pa og dugang satellite registration kay makahatag lang kini og dugang work load sa mga personahe sa City Health Office.



bottom of page