Konseho nasubo sa pagpanaw ni kanhi Konsehal Calingin

DAKO ang kasubo sa Konseho sa Syudad ubos ni Bise Mayor Bebot Rodriguez sa hinanaling kamatayon ni kanhi Konsehal Alvin Roa Calingin.

Usa ka resolusyon ang hiniusang gisagop sa konseho sa sesyon niadtong Lunes nga nagpadayag sa ilang pahasubo ngadto sa nahabiling banay sa kanhi konsehal.

Si Calingin nahimong konsehal sa syudad sulod sa pipila ka tuig ug nag-alagad isip aktibong sakop sa konseho.

Sa resolusyon, gipadayag nga ang kamatayon ni Calingin dakong kawad-on sa mga Kagay-anon tungod sa iyang katarong sa pagpanerbisyo nga magpabilin sa huna-huna ug kasingkasing sa tanan.