Konseho nasubo sa pagpanaw ni kanhi Bise Mayor Acenas

ANG Konseho sa Syudad ubos ni Bise Mayor Bebot Rodriguez mipaabot sa ilang pahasubo ug simpatiya sa nahabiling pamilya ni kanhi Bise Mayor Caesar Ian E. Acenas.

Kini ang unod sa resolusyon nga hiniusang giuyonan sa konseho atol sa sesyon niadtong Lunes.

Si Acenas nahimong bise mayor sa tuig 2013 -2019, konsehal sa tuig 2001-2010 ug City Sangguniang Kabataan Federation President sa tuig 1996-2001, diin siya matinud-anong nag-alagad sa katawhan sa dakbayan sa Cagayan de Oro.

Gipadayag sa Konsehao nga ang kamatayon ni Acenas dakong kawad-on sa mga Kagay-anon tungod sa iyang katarong sa pagpanerbisyo nga magpabilin sa huna-huna ug kasingkasing sa tanan. (RNQ/SP)