Konseho miuyon sa RFA program sa dakbayan

GILANTAW sa kagamhanan ang seguridad sa pagkaon ug kaayohan sa publiko.

Kini human hiniusang giuyonan sa Konseho atol sa regular sesyon niadtong Lunes nga gidumala  ni Bise Mayor Bebot Rodriguez ang ordinansa nga naghatag katungod ni Mayor Klarex Uy sa pagpirma sa Memorandum of Agreement (MOA) uban sa Food Terminal Incorporated (FTI), nga girepresentahan ni G. Joseph Rudolph C. Lo, Presidente ug CEO.

Ang MOA naglangkob sa pagpatuman sa implementasyon sa ₱20 Rice Project/Rice-For-All (RFA) Program dinhi sa dakbayan sa Cagayan de Oro.

Ang maong programa nga gihimo uban sa panag-tambayayong sa National Food Authority (NFA), Department of Agriculture (DFA) gitumong alang sa mas barato nga bugas diha sa KADIWA Centers sa siyudad.

Sa iyang bahin, si Konsehal Antuy Pascual misuporta sa maong lakang kay dako kini og ikatabang ngadto sa katawhan sa dakbayan. (RNQ/SP)