Konseho mipahasubo sa pamilyang Emano

DAKO ang kasubo sa Konseho sa syudad ubos ni Bise Mayor Bebot Rodriguez sa hinanaling kamatayon ni Mrs. Aloma Beja Emano.

Usa ka resolusyon ang hiniusang gisagop sa konseho sa sesyon niadtong Lunes nga nagpadayag sa ilang pahasubo ngadto sa nahabiling banay nga sila si 2^nd District Misamis Oriental Congressman Bambi Emano, Tagoloan, Misamis Oriental Mayor Nadya Emano-Elipe, ug Konsehal Yvy Emano sa dakbayan sa Cagayan de Oro.

Gipadayag sa Konseho nga ang kamatayon ni Aloma Emano dakong kawad-on sa mga Kagay-anon ug nga magpabilin sa huna-huna ug kasingkasing sa tanan. (RNQ/SP)