Recent Posts

Archive

Tags

No tags yet.

Konsehal Suzette midasig sa mga skolars maningkamot sa ilang eskwela

MANINGKAMOT gyud, magtoon, magtiwas sa pag-eskwela. Ayaw sayangi ang gitunol nga kahigayonan gikan sa gobyerno nga libreng edukasyon isip Iskolar sa Dakbayan kon (IsDa).

Mao kini ang mensahe ni Konsehal Suzette Magtajas-Daba, chairman sa komite sa Edukasyon, atol sa gihimong Online City Scholars Orientation and Contract Signing kon “Lagda 2021”.

Gipasabot sa konsehal nga ang kapobrehon nga kahimtang ug problema sa kinabuhi dili igong rason nga dili makab-ot ang mga damgo sa kabataan.

Gipasalamatan usab ni Konsehal Suzette ang kagamhanan sa syudad pinaagi ni Mayor Oscar Moreno ug ang konseho nga gipangulohan ni Bise Mayor Kikang Uy tungod kay taliwala sa hagit sa pandemya padayon nilang gihatagan prayoridad ug importansya ang edukasyon sa kabataan sa tingoha nga makabaton sila sa mahayag nga kaugmaon.

Malaomon ang konsehal nga pinaagi sa maong programa daghang pobreng kabataan ang mahatagan sa kahigayonan nga makahuman sa ilang gitinguhang kurso.

Nunot niini, si Konsehal Suzette kusganong mipahinumdom sa tanang IsDa nga ampingan ang maong pribilihiyo nga gihatag sa gobyerno.