Kikang nominadong Honorary Vice Mayor of the Year

DAKONG kalampusan sa konseho sa dakbayan sa Cagayan de Oro nga napili si bise mayor Kikang Uy isip usa sa mga Honorary Vice Mayor of the Year sa Sustainability Standards, Inc.

Ang maong pasidungog ubos sa Nation Builders Award for Sustainable amd Liveable Community sa Sustainability Standard Awards and Convention nga gitakdang ipahigayon didto sa kauluhan sa umaabot September 9, 2021.

Giingon nga ang maong pasidungog resulta sa gipahigayong research and analysis sa mga environmentalists, architects, urban planners, civic group, entrepreneurs ug strategists sa maong pundok.

Nasayran nga ang Sustainability Standards usa ka grupo nga adunay international interests dinha sa pag-umol sa mga indibidwal, pamilya, komunidad, negosyo, lokal nga mga kagamhanan, nasudnong gobyerno ingon man mga non-government organizations alang sa pagpatuman sa mga programa nga magdala og kalamboan sa natad sa population welfare, gender equality, good health and well being, resource exchange, enterprise, employment, organization, cooperative, entertainment, tourism, recreation, infrastructure, resource management, exploration, environment, disaster risk reduction and resiliency management.

Ang proyekto gitumong sa pag-ila sa mga lideres sa matag probinsya, distrito, party-list, dakbayan, munisipyo, barangay ug komunidad dinha sa mga gipatumang programa ug proyekto nga nagdala sa kaarangan sa kinabuhi sa katawhan. (SP)