Hugot nga pagpatuman sa programa sa Solid Waste sa Brgy. 23 gisuportahan sa konseho

HINIUSANG gisuportahan sa Konseho sa Syudad atol sa sesyon niadtong Lunes nga gidumala ni Bise Mayor Bebot Rodriguez ang ordinansa nga gipalabang sa konseho sa Barangay 23 alang sa hugot nga pagpatuman sa segregation of solid waste sa tanan residente, mga magpapatigayon, pribado man o pang publiko nga establismento nga nahisakop sa maong barangay.

Tipik sa nalatid sa maong ordinansa ang pagdili sa pagsunog sa mga basura, paglubong sa basura ngadto sa ilalom sa yuta ug ang iresponsable nga paglabay sa dili labayanan sa basura.

Ang makasupak multahan sa kinse (15) ka adlaw nga community service sa unang paglapas sa balaod; P300 nga multa sa ikaduhang salaod; P500 sa ikatulong paglapas samtang P700 ang multa sa ika-upat nga kalapasan.

Ang ordinansa nga gipalabang sa konseho alang sa nasangpit nga katuyuan gipaluyohan sa komite sa barangay affairs ni Konsehal Yan Lam Lim ug sa komite sa pamalaod ug reglamento ni Konsehal Edgar Cabanlas. (MLRapanot/SP)