Hanyo sa taga Consolacion tukion sa kom. sa urban poor

GIDUSO ni Bise Mayor Kikang Uy sa komite sa Urban and Rural Poor and Housing Development nga gidumala ni Konsehal Edgar Cabanlas ang sulat hanyo sa konseho sa Barangay Consolacion ubos ni Kapitan Alexander Ligtas.

Kini naghanyo sa usa ka dialogue tali sa mga residente nga apektado sa mega dike project sa Department of Public Works and Highway (DPWH) ug sa mga opisyal niini.

Nasayran nga gihangyo sa konseho sa maong barangay ang usa ka dialogo aron mapasabot ug mahupay ang kabalaka sa mga molopyo nga ma-igo sa nasangpit nga proyekto.

Nunot niini gidapit sa maong tigom aron mopa-ambit sa ilang panahom sila si Punong barangay Alexander Ligtas, Engr.Jenito Asequia, officer-in charge sa Office of the Building Official, Engr.Armin Cuenca sa Task Force for the Emancipation of Piso-Piso Beneficiaries, Engr.Ermin Stan Pimentel sa City Housing and Urban Development Department (CHUDD), Engr. De Gabriel Guinitaran, officer-in-charge 2nd District DPWH ug Floresca Sabuga-a, HCD division head.