Hangyo sa Kauswagan-Bonbon N’hood Assn tukion sa Urban Poor

TUKION atol sa tigom karong buntag sa komite sa urban poor ni konsehal Edgar Cabanlas ang hangyo sa Kauswagan-Bonbon Interior Neighborhood Association (KABINA).


Kini aron masolosyonan ang ilang problema sa kakulangon sa access road gikan sa ilang nahimutang paingon sa Kauswagan-Puntod Road ingon man ang pagtukod og kanal.

Malaumon ang kapunungan nga maabagan sa kagamhanan aron matukod ang insaktong dalan paingon sa ilang dapit nga bilihon kaayo ilabina panahon sa emerhensya.


Niini, si Cabanlas nagdapit sa presidente sa kapunungan uban nila ni CHUDD head Engr. Ermin Stan Pimentel, CHUDD HCD division head Floresa Sabuga-a, Task Force for the Emancipation of Piso-Piso beneficiaries head Engr. Armen Cuenca, City Engineer Rolando Pacuribot ug kapitan Pedro Balite sa barangay Kauswagan pagtambong sa tigom aron paghatag og katin-awan sa maong hangyo.


Ang tigom sa komite gipaabot usab tambongan nila ni konsehal Zaldy Ocon, Girlie Balaba, John Michael Seno ug Reuben Daba.