top of page

Esparcia nangusog mapahigayon Engineered Bamboo Production training



Gihingusgan ni Konsehal Bernie Esparcia, chairman sa Komite sa Climate Change, nga makapahigayon og training diha sa unang Distrito kalabot sa Engineered-Bamboo Production.


Kini sa tinguha nga mahatagan ang katawhan og dugang kapanginabuhian pinaagi sa maong matang sa produksyon gamit ang kawayan.


Mahinumduman nga ang konsehal mipahibalo nga siya mismo nakatambong sa susamang training human siya gidapit sa mga opisyal sa Bukidnon ug Department of Science and Technology (DOST).


“Naghangyo ako og training sa tumong nga mabansay bansay ang mga molopyo ilabina dinha sa bukid bukid nga bahin sa syudad, dala ang paglaum nga maaprobahan ug mahatagan sa dugang kahigayon ang katawhan nga mapalambo ang ilang kinabuhi,” pasabot ni Esparcia.


Siya malaumon nga matuman ang programa taliwala nga limitado ang iyang gahum apan mapasalamaton sa suporta nga gakakuha gikan sa mga hintungdang ahensya sa gobyerno ug sa katawhan sa dakbayan.

Commentaires


bottom of page