Ekonomikanhong kalamboan nakab-ot tungod sa kooperasyon sa katawhan –Konsehal Cabanlas

LIMA ngadto sa 10 ka tuig gikan karon, ang Cagayan de Oro will be the Makati of the South.

Mao kini ang panglantaw ni Konsehal Edgar Cabanlas, chairman sa komite sa economic enterprise, atol sa ilang programa sa kahanginan  nga “Inyong Konseho Karon” samtang ilang gihisgotan ang kahimtang sa ekonomiya sa dakbayan.

Gibutyag sa konsehal nga diha sa mga pamantalaan o sa Facebook, ang mga analyst ug economic experts mipasupot sa ilang panglantaw nga ang dakbayan sa Cagayan de Oro ang labing paspas sa tibook nasod sa natad sa economic development.

Sumala ni Konsehal Cabanlas nga dayag kaayo nga grabi ang pag-expand sa mga negosyo, ma local man o foreign ug gani daghan ang ga-migrate dinhi tungod kay nadani sila sa pagkamalinawon sa atong dakbayan ubos sa pagpangulo ni Mayor Rolando Uy.

Niini, nagpasalamat si Konsehal Cabanlas sa katawhan sa syudad sa ilang kooperasyon. (JRG/SP)